VIII ENCONTRO DE ESCOLAS ASOCIADAS DA UNESCO

Este Encontro tivo lugar no Pazo da Cultura de Pontevedra os días 14 e 15 de Novembro coa mirada posta no cumprimento dos Obxectivos de Desenvolvemento Sustentable enmarcados na Axenda 2030.
O noso centro participou con alumnado de 3º ESO cunha presentación sobre as actuacións que estamos a facer no centro para reducir o uso dos plásticos:

• Educación ambiental
• Campañas de reciclaxe
• Substituír as botellas de plástico por cantimploras ou envases de vidro
• Usar friameiras para os bocatas eliminando o papel aluminio
• Substituír bolsas de plástico por outras de tea 

Concentración polo clima

O venres 27 de setembro concentrámonos no patio coberto do noso centro para reclamar medidas urxentes que frenen o cambio climático.

O alumnado elaborou carteis reivindicativos e fíxose a lectura dun Manifesto.

No acto contamos coa presenza do Alcalde de As Neves e a Concelleira de Educación.

Semana polo clima

No IES Pazo da Mercé sumámonos á iniciativa das mobilizacións na semana polo clima con diferentes actividades.

Comezamos coa presentación do proxecto entre o alumnado e unha exposición de lecturas recomendadas na biblioteca.