VIII ENCONTRO DE ESCOLAS ASOCIADAS DA UNESCO

Este Encontro tivo lugar no Pazo da Cultura de Pontevedra os días 14 e 15 de Novembro coa mirada posta no cumprimento dos Obxectivos de Desenvolvemento Sustentable enmarcados na Axenda 2030.
O noso centro participou con alumnado de 3º ESO cunha presentación sobre as actuacións que estamos a facer no centro para reducir o uso dos plásticos:

• Educación ambiental
• Campañas de reciclaxe
• Substituír as botellas de plástico por cantimploras ou envases de vidro
• Usar friameiras para os bocatas eliminando o papel aluminio
• Substituír bolsas de plástico por outras de tea 

XIX ENCONTRO INTERNACIONAL DE JOVENS CIENTISTAS DAS ESCOLAS UNESCO

As alumnas de 1º de Bacharelato María Alvarez e Laura Araujo , acompañadas da profesora Belén Jorge, participan no XIX Encontro Internacional de Jovens Cientistas das Escolas Asociadas da UNESCO que tivo lugar en Santarém (Portugal) dos días 11 a 14 de xaneiro. Xunto con outros mozos e mozas de 8 países  presentaron e debatiron propostas para  minimizar os efectos do cambio climático.

VI Encontro das Escolas de Galiza asociadas á UNESCO

Preme nesta imaxe para ver os traballos presentados polos diferentes centros e o video de participación do noso alumnado nos diferentes obradoiros

XXVII encontro das Escolas Asociadas á UNESCO

Educar para a cidadanía mundial

Patrimonio, convivencia e entendemento entre os pobos, cultura de Paz, agricultura familiar e desenvolvemento sostible.

Participación en Ágora de Paz

No día de hoxe o noso centro participou na videoconferencia Ágora de Paz con outros centros de Galicia e tamén de outros lugares de España  da rede de Escolas Asociadas  da UNESCO como o Isidora Riestra de Poio, o IES de Pedra da Auga de Ponteareas,  o IES Seoane de Monteporreiro,  Campolongo, S. Félix de Cantalicio de Ikastexea, Bizkaia, ou a Escola Andorrana de Segona Ensenyança de Santa Colona, e o CEIP son Serra, de Sa Vileta en Palma de Mallorca.. Foi así como compartimos as nosas actividades  en torno ao  día da Paz e á figura de Nelson Mandela.

XVI ENCONTRO INTERNACIONAL DE JOVENS CIENTISTAS

Do  8  ao 11 de xaneiro tivo lugar en Santarem ( Portugal) ,o XVI Encontro Internacional de Jovens Cientistas organizado pola escola de Sá da Bandeira.

Neste encontro  alumnos de España, Alemaña e Estados Unidos debatiron o tema  deste ano: Alimentar o mundo respetando a terra xa que  a Asemblea Xeral das Nacións Unidas proclamou o 2014 como o ano Internacional da Agricultura Familiar.

De Galicia participaron alumnos de tres centros: o IES Luís Seoane de Pontevedra, o Pedra da Auga de Ponteareas e o noso centro representado polos alumnos : Daniel Duque Puga e Damián Lamas Carballo de 4º ESO A cunha presentación titulada : O VIÑO NA AGRICULTURA FAMILIAR DA NOSA COMARCA.

Ademáis de participar en diferentes obradoiros relacionados co tema do encontro, participaron na visita ó Instituto Superior de Agronomía e ao Museo Nacional de Historia Natural e da Ciencia de Lisboa.

 

V encontros galegos das escolas asociadas UNESCO

Video resumo de tres fantásticos días de convivencia en Pontevedra




E moitas máis fotos aquí